A cidade da Coruña careceu de imprenta ata o século XIX, isto non é sinxelo de explicar, se ben, é certo que a instalación da Real Audiencia xerou unha reducida demanda que podía ser atendida polas imprentas compostelás, pero, no século XVII, a nova administración borbónica, reorganizou os servizos e impuxo un crecente manexo de Reales Ordenes, Resoluciones y Decretos executados, tanto polo Real Acuerdo, como pola intendencia ou a Capitanía General, institucións, todas elas, instaladas nesta ciudade. Resulta sorprendente que se acudise ás imprentas compostelás e que non houbese xordido na cidade un impresor que cubrise esta demanda.
No século XVIII constitúese o Real Consulado, a Academia de Agricultura, o Protomedicato, o mesmo Concello xera unha gran cantidade de bandos, que teñen que ser copiados a man. Houbo un mercado que non foi atendido ata que se comezaron a instalar imprentas na cidade, a maioría delas de fora da Coruña.
As “Ordenanzas de la Real Audiencia del Reyno de Galicia” aparecen impresas por Antonio Frayz na cidade da Coruña, no ano 1679, aínda que este feito non implica que dito impresor se instalara na cidade, pero sí aparece a reseña en pé de páxina.
En 1790 o concello tentou que Don Ignacio Aguayo, impresor de Santiago, se instalase na cidade, aínda que o concello decidiu rexeitar o prego de condicións que o impresor propuxo.
Non será ata 1806, cando a familia de D José Riesgo Montero se traslade á Coruña, unha vez falecera dous anos antes, fundando a imprenta “Viuda e hijos de riesgo”. Este mesmo ano imprimen a obra “Tratado instructivo y práctico de maniobras navales para el uso de caballeros guardia marinas” de Santiago Agustín de Zuloaga. Sería ésta a primeira obra impresa na Coruña por unha imprenta instalada na cidade.